亞當閒話

A君年少努力，年年交足稅，30幾歲結婚夠首期買入200萬私樓，往後30年為層樓同銀行打工，利息比銀行已經有200萬，60幾歲以為可以安享晚年，但年老多病又無資格享有公共醫療福利，窮緊餘之積蓄過活，那知強制驗樓要收佢一筆驗樓費，報告說要佢座大廈要大量維修，可憐兩公婆無錢維修，想賣樓又無人要，走投無路下，只好雙雙流落天涯，無家可歸．

B君讀書一般，做下散工有個臭味相投的女友一於結婚一同
申請公屋，好容易比佢地分到上樓，上樓後2人無物事做一於照特首意思生3個，搵唔到野做把心一橫申請綜援，萬幾蚊不知幾好駛，個仔近視都有配眼鏡資助，d仔大個叫佢地一個二個去申請公屋，30幾年後，層樓破舊但有政府用A君d錢同佢維修，年老多病打電話叫醫護車佢地去公立醫院睇醫生，一包二包葯比佢，慌死佢地投訴醫院，返到屋企弄孫為樂，抱孫看街景．指著天橋下的A君說：『孫仔，比心機申請公屋呀，如果唔係你就好似呢個老人家咁仆街．』

睡不了，在網上看到這個故事，好笑但亦為香港人感到悲哀。